Հայաստանն այս տարի դիմել է «Հազարամյակի մարտահրավերներ» ծրագրին՝ ֆինանսավորում ստանալու համար, սակայն չի բավարարել ծրագրի չափորոշիչներին. 50 տոկոսանոց շեմը չի հաղթահարել, որպեսզի կարողանա մասնակցել ծրագրի երկրորդ փուլին:
«Հազարամյակի մարտահրավերներ» ծրագրի չափորոշիչներին Հայաստանի չհամապատասխանելու խնդրի շուրջ «Առաջին լրատվական»-ը զրուցել է ԱԺ պատգամավոր Էդմոն Մարուքյանի հետ:
«Այն, որ Հայաստանը դեռևս իրավունք ունի դիմել այս ծրագրին, դա շատ կարևոր է, բայց մյուս կողմից՝ Հայաստանը չի բավարարում այդ ծրագրի պահանջներին: Հայաստանին այս ծրագրի կողմից ֆինանսավորումը դադարեց 2008-ի Մարտի 1-ի դեպքերից, դրանից հետո տեղի ունեցած հետընտրական պրոցեսներից հետո:
Անցել է 8 տարի, կա իմիտացիա, կա շղարշ, սակայն, մեծ հաշվով, գրեթե ոչինչ չի փոխվել, Հայաստանը դեռևս չի համապատասխանում անհրաժեշտ չափորոշիչներին: Հիմնական չափորոշիչներն են՝ ժողովրդավարությունը, արդարացի կառավարումը, իրավունքի գերակայումը, մարդու իրավունքները և հիմնարար ազատությունները: ԵՏՄ անդամակցությունից հետո բոլոր այս ուղղություններով Հայաստանը հետընթաց է արձանագրել»,- նշեց պատգամավորը:
Մարուքյանի դիտարկմամբ՝ ԱՄՆ կառավարության կողմից իրականացվող «Հազարամյակի մարտահրավերներ» ծրագրի կողմից Հայաստանին ֆինանսավորում չտրամադրելը ուղերձ է Հայաստանի կառավարությանը, որ եթե առաջիկա ընտրությունները չանցկացվեն ժողովրդավարական երկրների չափանիշներին համապատասխան, ապա ավելի լուրջ խնդիրներ ենք ունենալու, այսինքն՝ դա նախապայման է:
Մանրամասները՝ տեսանյութում:
