Հանրապետությունում թունավորման դեպքեր են արձանագրվել, որոնց հանգամանքները պարզում է ոստիկանությունը: Դեկտեմբերի 3-ին հիվանդանոցից ոստիկանության Մասիսի բաժնում հաղորդում է ստացվել, որ «էկզոգեն թունավորում՝ հարցականով» ախտորոշմամբ իրենց մոտ են տեղափոխվել 1996 թ. ծնված Անժելա Հ.-ն, 1971 թ. ծնված Արմինե Ա.-ն, 1969 թ. ծնված Գրիգոր Շ.-ն, 1993 թ. ծնված Կարապետ Շ.-ն և 2003 թ. ծնված Գևորգ Շ.-ն: Ինչպես տեղեկացրին ոստիկանության հասարակայնության հետ կապերի եւ լրատվության վարչությունից, մեկնած օպերատիվ խումբը պարզել է, որ նշված անձինք թունավորումը ստացել են նույն օրը, ժամը 2-ի սահմաններում, իրենց տանը, անհայտ պայմաններում:
Նույն օրը հիվանդանոցից ոստիկանության Բազումի բաժնում եւս թունավորման դեպքով ահազանգ է ստացվել, որի համաձայն «գազային թունավորում» ախտորոշմամբ բուժօգնություն են ցույց տվել 2010 թ. ծնված Մերի Մ.-ին:
Նույն օրը հիվանդանոցից հաղորդում է ստացվել, որ «գազային թունավորում» ախտորոշմամբ բուժօգնություն են ցույց տվել 1987 թ. ծնված Տաթևիկ Դ.-ին և 2012 թ. ծնված Մարինե Մ.-ին:
Վերոնշյալ երկու դեպքերի հանգամանքները պարզվում են: Կատարվում է հետաքննություն:
