Միջազգային և անվտանգության հարցերի հայկական ինստիտուտի (ՄԱՀՀԻ) հիմնադիր Ստյոպա Սաֆարյանը հայաստանյան քաղաքացիական հասարակության մի շարք ներկայացուցիչների հետ հանդիպել է Արևելյան գործընկերության ոչ պաշտոնական երկխոսության ութերորդ հանդիպման առիթով Երևան ժամանած Եվրոպական հանձնակատարներ Յոհաննես Հաանին և Կարլոս Մոեդաշին, Եվրոպական Արտաքին գործողությունների ծառայության Գլխավոր քարտուղարի տեղակալ Ժան-Քրիստոֆ Բելիարին:
Հանդիպման ընթացքում քննարկվել են Հայաստան-ԵՄ հարաբերություններին, բանակցվող պայմանագրին, Հայաստանում ժողովրդավարությանն ու քաղհասարակությանը, առաջիկա խորհրդարանական ընտրություններին վերաբերող հարցեր:
Այնուհետև Ստյոպա Սաֆարյանը հայաստանյան մի քանի քաղաքական կուսակցությունների ղեկավարների հետ մասնակցել է աշխատանքային այցով Երևանում գտնվող ԱՄՆ փոխպետքարտուղարի Եվրոպայի ու Եվրասիայի հարցերով տեղակալ Բրիջիթ Բրինքի հետ հանդիպմանը:
Քննարկվել է հարցերի լայն շրջանակ, այդ թվում՝ ԱՄՆ-Հայաստան հարաբերությունների ու Հայաստանում ժողովրդավարության շարունակական զարգացումը, կոռուպցիայի դեմ պայքարն ու օտարերկրյա ներդրումների ներգրավումը, ԼՂ հակամարտության խաղաղ կարգավորումն ու այդ գործում ԱՄՆ համանախագահության դիրքորոշումը, Հայաստանի ընտրական բարեփոխումներն ու 2017թ. գարնանային խորհրդարանական ընտրությունները և այլ հարցեր:
