«Հանրությունը սպասելիքներ ուներ, որ նորանշանակ՝ կառավարությունը ապրիլյան պատերազմից քաղած դասերի արդյունքն է…, սակայն «1000 դրամի» այս նախագիծն այլ բան է վկայում, այսօր ԱԺ-ում իր ելույթում ասաց ՀԱԿ խմբակցության ղեկավար Լևոն Զուրաբյանը: -Առաջին հայացքից առաջարկվում է փառահեղ մի բան`վերջապես սահմանել պետական աջակցություն կյանքը կամ առողջությունը կորցրած զինծառայողներին: Ո՞վ կարող է դեմ լինել նման առաջարկին: Սա ցանկացած պետության առաջնային պարտքն է ու որևէ կուսակցություն չէր առարկի նման ծրագիրը բյուջետային ծախսերի մեջ առաջնային տողում տեսնելիս», – ասաց Լևոն Զուրաբյան:
Ըստ պատգամավորի` ծրագիրը պետք է ֆինանսավորվեր բյուջեից` ի հաշիվ այլ ծախսերի. «Կարելի էր բացել նույն հիմնադրամը կամավոր նվիրատվությունների հնարավորությամբ, իսկ բազիսային անհրաժեշտ 5 մլրդ դրամն ապահովել բյուջեի ծախսերից: Հակառակ դեպքում` սա դառնում է առանց այդ էլ աղքատության հասցված ժողովրդին կեղեքելու նոր հնարք», – ասաց պատգամավորը:
ՀԱԿ խմբակցության ղեկավարը մատնացույց արեց ևս մեկ աղբյուր. «Միայն 15 տոկոսով կրճատելով ոստիկանության ծախսերը` կարելի էր ստանալ անհրաժեշտ այդ 5 մլրդը»:
Զուրաբյանի գնահատմամբ՝ 1000 դրամների նախագիծը պետականորեն ձևակերպված գրպանահատություն է:
Մանրամասները՝ տեսանյութում:
