Ես երեք, երեքուկես տարի հնարավոր բոլոր առիթների ժամանակ այս ամբիոնից անընդհատ բարձրաձայնել եմ զինծառայողների և նրանց ընտանիքի անդամների սոցիալական ապահովության մասին օրենքի արմատական վերանայման խնդիրը և միշտ եղել եմ այն կարծիքի, որ դա ոչ թե մի պատգամավորի հարցն է, այլ կառավարության հետ աշխատանքի ու հաշվարկի խնդիր է: ԱԺ-ում ՀՀ պաշտպանության նախարար Վիգեն Սարգսյանին հարց ուղղելիս այս մասին նշեց ՀԱԿ խմբակցության պատգամավոր Գագիկ Ջհանգիրյանը:
«Ուզում եմ այս նախագիծը դիտարկել այդ խնդրի մասնակի լուծմանն ուղղված նախագիծ… Որպես բանակի հետ երկար ժամանակ աշխատած մարդ՝ չեմ կարող դեմ լինել այն խնդրին, որ զոհված, խեղված սպան ու զինվորը պետք է մարդավայել փոխհատուցում ստանան։ Բայց այս նախագծում մի քանի իրավաբանական սխալ ձևակերպումներ կան, որոնք պրակտիկայում բերելու են լուրջ խնդիրների»,- նշեց պատգամավորը։
Մանրամասները` տեսանյութում:
