ԱՄՆ Հանրապետական կուսակցությունը կպահպանի վերահսկողությունը Կոնգրեսի Ներկայացուցիչների պալատի նկատմամբ, սակայն դեմոկրատները կկրճատեն տարբերությունը 2014 թվականի համեմատ։ Այս մասին գրում է The New York Times-ը՝ հղում անելով քվեարկության նախնական արդյունքներին։
Պարբերականի տեղեկություններով՝ նման ելքի հավանականությունը բարձր է 95 տոկոսից։ Պահպանողականները կունենան պալատում 230-ից փոքր-ինչ ավելի կոնգրեսականներ, մինչդեռ դեմոկրատները ընդամենը մոտ 200։
Ընտրությունները Ներկայացուցիչների պալատում անցկացվում են երկու տարին մեկ։ Պալատն ունի 435 անդամ։ 2014 թվականին հանրապետականները հաղթել էին և զբաղեցրել 247 տեղ, դեմոկրատները՝ 188։
