Թուրքական Milliyet թերթի փոխանցմամբ՝ Սիրիայի հյուսիսում 73 օր շարունակվող «Եփրատի վահան» գործողության շրջանակներում թուրք զինծառայողները ենթարկվել են ԴԱԻՇ-ի զինյալների հարձակմանը։
Ընդգծվում է, որ ԴԱԻՇ-ի զինյալները թուրքական զորախմբի վրա կրակել են ականանետերով, հրթիռներով ու նռնականետերով։ Դրանց պայթյունից հետո բեկորային վնասվածքներ են ստացել 3 թուրք զինվորականեր։
Նրանցից մեկին տեղափոխել են Քիլիսի, երկուսին՝ Գազիանթեփի հիվանդանոցներ։ Ընդգծվում է, որ Գազիանթեփի հիվանդանոց բերված թուրք զինվորներից մեկը կնքել է իր մահկանացուն։
