Օգոստոսի 4-ին տեղի է ունեցել Իրանի նորանշանակ նախագահ Հասան Ռուհանիի երդմնակալության արարողությունը:
Իր հանդիսավոր ելույթում նա հայտարարել է, որ պատրաստ է Արևմուտքի հետ երկխոսության: Սակայն, ինչպես երևում է, Վաշինգտոնը չի պատրաստվում հրաժարվել Իրանի նկատմամբ պատժամիջոցներից:
Ազգային իրանա-ամերիկյան խորհրդի ներկայացուցիչ Ջամալ Աբդին, կարծում է, որ Վաշինգտոնը շահագրգիռ է Իրանի հետ պատերազմով և ոչ թե միջուկային խնդրի լուծմամբ՝ տեղեկացնում է russian.rt.com-ը:
Ռուհանիի երդմնակալությունից մի քանի օր առաջ ԱՄՆ Կոնգրեսը հավանության է արժանացրել Իրանի դեմ պատժամիջոցները խստացնելու օրինագիծը:
Ջամալ Աբդին կարծում է, որ «պատժամիջոցների մասին ընդունված օրինագիծը վկայում է այն մասին, որ Ներկայացուցիչների պալատը ղեկավարվում է քաղաքական հետաքրքրություններով և ոչ թե պրագմատիզմով, գաղափարախոսությամբ, խնդիրները լուծելու ձգտմամբ, որոնք կանգնած են ԱՄՆ-ի առաջ»:
Փորձագետը ենթադրում է, որ Սպիտակ տունը նման որոշում է կայացրել «պատժամիջոցների ջատագովների, պահպանողականների ու այն ռազմական կազմակերպությունների քաղաքական լուրջ ճնշման ներքո, որոնք շահագրգռված են Իրանի հետ պատերազմով, այլ ոչ թե միջուկային խնդրի դիվանագիտական լուծմամբ»:
