Եգիպտոսում ջրհեղեղի զոհն է դարձել առնվազն 22 մարդ՝ հայտնում է Interfax-ը։ Եվս 72 մարդ տուժել է։ Երկրում հեղեղումների պատճառ են հանդիսացել տեղատարափ անձրևները։
Եգիպտոսի իշխանությունները հայտարարել են, որ 5.6 մլն դոլար կհատկացնեն ջրհեղեղից տուժած շրջաններին, որոնց թվում են Սոհագ քաղաքը, Հարավային Սինայը և Կարմիր ծովի ափը։
Աշնանն ու ձմռանը Եգիպտոսում տեղացող հորդառատ անձրևները հազվագյուտ չեն մերձավորարևելյան այդ երկրում։ Դա մշտապես հանգեցնում է հեղեղումների, հատկապես թույլ զարգացած ենթակառուցվածքով շրջաններում։
