«Այս տարվա համար պլանավորել ենք հարկային եկամուտներ 1 տրիլիոն 129 մլրդ, դա 20,7 տոկոս հարկեր-ՀՆԱ էր պարունակում, բայց պետք է մենք ճշմարտությունը ասենք, որ տնտեսական աճի անվանական ցուցանիշները, քանի որ ցածր են, կունենանք գրեթե զրոյական գնային մակարդակ»: Այս մասին ԱԺ-ում լրագրողների հետ զրույցում ասաց ֆինանսների նախարարը Վարդան Արամյանը:
ՀՀ ֆինանսների նախարար Վարդան Արամյանը վստահեցնում է, որ նախարարությանը կից ծրագրերի իրականացման գրասենյակները համախմբելու են: «Գնալու ենք նրան, որպեսզի ԾԻԳ-երն իրենց առաջ դրած խնդիրները կատարեն ավելի օպտիմալ՝ օգտագործելով իրենց ձեռքի տակ եղած ռեսուրսները»:
Հարցին, թե ի՞նչ ճակատագիր է սպասվում ֆինանսների նախարարության Դիլիջանի ուսումնական կենտրոնին, քանի որ մամուլում գրվեց, որ այն վաճառվելու է, Վարդան Արամյանը պատասխանեց. «Ոչ թե դա հանելու ենք վաճառքի, մենք քննարկում ենք, իհարկե, տարբերակները: Մենք ունենք նաև «Էկոնոմիկա» ամսագիր, որը ֆինանսավորում ենք: Ես, իհարկե, ցանկացած քայլ անելուց առաջ լսում եմ շահագրգիռ կողմերի կարծիքները, բայց բոլորին տալիս եմ մեկ հարց՝ խնդրում եմ ինձ պատասխանեք, այն գումարները, որոնք ծախսվում են ձեզ վրա, ի՞նչ արդյունավետություն ենք մենք ստեղծում տնտեսության վրա, ովքե՞ր են օգտվում ձեր ծառայություններից և արդյո՞ք այդ ծառայությունները մասնավորի կողմից չեն մատուցվում»: Նախարարի խոսքով՝ նույն ծառայությունները մասնավորի կողմից մատուցվում են և հարց է առաջանում, թե ինչո՞ւ է պետությունը նույն ծառայությունը կրկնօրինակում:
«Ուսումնական կենտրոնը ՊՈԱԿ է, որը վաճառքի չի հանվի: Բայց ՊՈԱԿ-ը, ես կարծում եմ, որ մենք գնալու ենք այն տարբերակով, որ լուծարենք, այդպես է լինելու»,- ասաց նախարարը՝ հավելելով, որ խնդիր կա, որովհետև ուսումնական հաստատությունները չեն համագործակցում պետության հետ:
Մանրամասները՝ տեսանյութում:
