Գերմանական Spiegel Online պարբերականի փոխանցմամբ՝ Գերմանիայի Բադեն-Վյուրտեմբերգ երկրամասի բնակիչը Eurojackpot միջազգային վիճակախաղի ժամանակ շահել է 90 միլիոն եվրո, որն առավելագույն մրցանակն է։
Դա վիճակախաղի պատմության ընթացքում նմանատիպ երկրորդ դեպքն է։ Առաջին դեպքը գրանցվել էր 2015 թվականին, երբ մրցանակը շահել էր Չեխիայի բնակիչը։
Գերմանացին գրանցել է նաև ազգային ռեկորդ՝ կապված վիճակախաղի շահումի մեծության հետ։ Մինչ այժմ Գերմանիայում խոշորագույն շահումի չափը կազմել էր 84.8 միլիոն եվրո։ Այն օգոստոսին բաժին էր ընկել Գերմանիայի Հեսսեն երկրամասի բնակչի։
