Դեմոկրատական կուսակցությունից ԱՄՆ նախագահի թեկնածու Հիլարի Քլինթոնի շտաբի խորհրդատուները նրան խորհուրդ են տվել քննադատել Ռուսաստանի գործողությունները Սիրիայում, որպեսզի ընտրողների աչքին «ուժեղ երևա»: Այդ մասին վկայում են հոկտեմբերի 10-ին WikiLeaks կայքում հրապարակած փաստաթղթերը:
Դա Քլինթոնի նախըտրական շտաբի նախագահ Ջոն Պոդեստայի նամակների երրորդ մասն է, որն ունի ազատ հասանելիություն: 2015 թվականի նոյեմբերի նամակագրությունում Քլինթոնի շտաբի ներկայացուցիչները քննարկում են ԴԱԻՇ ահաբեկչական խմբավորման մասին նրա ելույթի սևագրությունները: Այդ ելույթով թեկնածուն հանդես է եկել նույն օրը:
«Ելույթում (Հիլարի Քլինթոնի) նշվում են նոր «անթռիչք գոտիները» Սիրիայում: Ինչպե՞ս է դա հարաբերվում ռմբակոծության ռուսական ընթացիկ արշավին: Նրան չարժե՞ քննադատել ռուսներին իրադրության վատացման համար: Դա նրան ցույց կտա ուժեղ: Թող իրեն հակադրի Պուտինին»,- գրել է Ջոն Անզալոունը՝ Anzalone Liszt Grove Research ընկերության գործընկերը, ով ընտրարշավի ընթացքում խորհուրդ է տալիս Քլինթոնին:
