Ռուսաստանի արտգործնախարարության պաշտոնական ներկայացուցիչ Մարիա Զախարովան հայտարարել է, որ ԱՄՆ պետքարտուղար Ջոն Քերիի կոչերը Սիրիայում Ռուսաստանի «ռազմական հանցագործությունների» հետաքննության վերաբերյալ իրադրության սրում է, իսկ նմանատիպ ձևակերպումներով աճպարարությունը վտանգավոր է, որովհետև ռազմական հանցագործությունների վերաբերյալ պետք է խոսել ամերիկացիների նկատմամբ, հայտնում է RIA Novwsti-ն:
«Քերիի հայտարարությունը՝ պրոպագանդա է: Այդ տերմինաբանության հետևում կանգնած են շատ լուրջ իրավաբանական հետևանքներ, և ես կարծում եմ, որ Քերին կիրառել է այդ բոլոր տերմինները իրադրության սրման տեսանկյունից: Եթե խոսքը վերաբերվում է ռազմական հանցագործություններին, ԱՄՆ-ի կառավարությունը պետք է սկսի Իրաքից: Իսկ հետո անցնի Լիբիային, ապա Եմեն՝ տեսնի, թե ինչ է այնտեղ կատարվում: Ես ցանկանում եմ ասել, որ այդպիսի խոսքերով աճպարարություն անելը շատ վտանգավոր է, քանի որ ամերիկյան ներկայացուցիչների ուսերի հետևում իրոք կանգնած են ռազմական հանցագործություններ»,- հայտնել է դիվանագետը:
Նա նշել է, որ Վաշինգտոնը «պարզապես չի կարողացել» կատարել Սիրիայի հարցով բոլոր համաձայնությունները: Զախարովան ավելացրել է, որ ԱՄՆ-ն ինքն է Ռուսաստանին հայտնել, որ իրենց հնարավորություն չունեն ազդելու ընդդիմության վրա:
