Ֆրանսիայի նախագահ Ֆրանսուա Օլանդը որոշում է ընդունել կրճատելու երկրի նախկին նախագահների պահման ծախսերը։ Համապատասխան հրամանը հրապարակվել է Journal Officiel պաշտոնաթերթում։
Ներկայումս յուրաքանչյուր նախկին նախագահի տրամադրվում է ծառայողական բնակարան, սպասարկող 7 հոգանոց անձնակազմ, որոնց աշխատավարձը վճարվում է պետական գանձնարանից, ավտոմեքենա և տարեկան 65 հազար եվրո։
Համաձայն հրամանի՝ պետության ղեկավարի պաշտոնից հեռանալուց 5 տարի անց աշխատակիցների թիվը կկրճատվի 5-ով։
Հրամանի գործողությունը կանդրադառնա ոչ միայն Օլանդի և Ֆրանսիայի ապագա նախագահների, այլև նրա նախորդների վրա՝ Վալերի Ժիսկար դ՝ Էստենի, Ժակ Շիրակի և Նիկոլա Սարկոզիի։ Նրանց համար հնգամյա ժամկետը սկսվում է փաստաթղթի տեքստի հրապարակման պահից։
Ամիսներ առաջ Mediapart պորտալը հրապարակել է հատվածներ Հաշվի պալատի զեկույցից, համաձայն որոնց՝ նախկին նախագահների պահումը բյուջեին արժենում է տարեկան 10.3 մլն եվրո։
