Մեքսիկայի նախագահ Էնրիկե Պենյա Նյետոն հայտարարել է, որ Հանրապետական կուսակցությունից ԱՄՆ նախագահի թեկնածու Դոնալդ Թրամփի հետ բանակցությունների ժամանակ ինքը երկու երկրների սահմանային պատի շինարարությունը Մեքսիկայի կողմից վճարելու Թրամփի առաջարկությանը կտրուկ դեմ է արտահայտվել, հայտնում է BBC-ն:
«Դոնալդ Թրամփի հետ զրույցի հենց սկզբից ես պարզ հասկացրի, որ Մեքսիկան չի վճարի պատի համար»,- գրել է Նյետոն Twitter-ի իր էջում:
Ինչպես պնդել է Թրամփը Մեխիկոյի նախագահական պալատում հանդիպման ավարտից հետո, նախագահ Նյետոյի հետ բանակցությունների ժամանակ քննարկվել է պատի կառուցման առաջարկը, սակայն հարցը, թե ով պետք է վճարի դրա համար, չի բարձրացվել:
