Սևամորթ դեռահասի սպանության մեջ մեղադրվող հասարակական պարեկ Ջորջ Ցիմերմանի արդարացնող դատավճռին նվիրված հեռուստաեթերները ԱՄՆ-ում ունեցել են ավելի քան 10 մլն հեռուստադիտող: Այս մասին հայտնում է Deadline.com-ը՝ հղում անելով Nielsen հետազոտական ընկերության վարկանիշներին:
Խոսքը 4 հիմնական մալուխային ալիքների՝ Fox News-ի, CNN-ի, MSNBC-ի և HLN-ի մասին է: Nielsen-ը ուսումնասիրել է լսարանը հուլիսի13-ին, ժամը 22.00-01.00-ի սահմաններում՝ Ցիմերմանի արդարացնող վճռի հայտարարումից հետո: Ամենամեծ թվով հեռուստադիտողներ ունեցել է Fox News-ը, որին նշված ժամանակահատվածում միացել են 3.6 մլն ամերիկացիներ: CNN-ին ու HLN-ին միացել են 2.2 մլն հեռուստադիտողներ: MSNBC հեռուստաալիքը դիտել է 1.3 մլն մարդ:
The New York Times-ը նշում է, որ մեկ շաբաթ առաջ 4 հեռուստաալիքների ընդհանուր լսարանը օրվա նույն ժամանակահատվածում կազմել է 1.6 միլիոն:
