Բելգիայի հատուկծառայությունները գրոհայինների ցուցակում են ներառել 614 մարդու։ Այս մասին հայտնում է Knack լրատվական պորտալը։
Ըստ պորտալի՝ տվյալների բազայում ներառված է 372 բելգիացի և 119 օտարերկրացի, որոնց թվում կան 39 մարոկկացի, 29 ռուս, 16 ֆրանսիացի, 13 ալժիրցի, 7 հոլանդացի, 6 իտալացի, 3 սիրիացի, 3 թունիսցի և 2 մակեդոնացի։ Նրանցից 266-ն այժմ գտնվում են Սիրիայում կամ Իրաքում, իսկ 114-ն արդեն վերադարձել են մարտական գործողությունների գոտուց։
157 մարդ մտադիր է ուղևորվել Սիրիա և Իրաք։ Նշվում է նաև, որ 104 անձ իգական սեռի են։
Բելգիայի ՆԳՆ-ին կից Սպառնալիքների վերլուծման կենտրոնի ղեկավարի խոսքով՝ ցուցակի մոտ 20 անձ մասնակցել է ահաբեկչությունների նախապատրստամանը, մասնավորապես, 7-ն առնչություն ունեն 2015 թվականի նոյեմբերին Փարիզում և 2016 թվականի մարտին Բրյուսելում տեղի ունեցած ահաբեկչություններին։
Պարբերականն ընդգծում է, որ ցուցակը դեռևս գտնվում է թեստավորման փուլում և ներկայումս չի կիրառվում երկրի հատուկծառայությունների կողմից օպերատիվ աշխատանքի նպատակով։
