Ադրբեջանական Turan լրատվական գործակալության փոխանցմամբ՝ Ադրբեջանի կառավարությունում մի շարք ուժեր կողմ են արտահայտվում «Ժողովրդական ճակատ» կուսակցության նախագահ Ալի Քերիմլիին կալանավորելուն ու չեզոքացմանը:
Այդ մասին լրատվամիջոցին հայտնել է նրա իրազեկ աղբյուրը, որը չի ցանկացել հրապարակել իր անունը: Աղբյուրի խոսքերով՝ Քերիմլիին կալանավորելը ծրագրված է երկրից նախագահ Իլհամ Ալիևի բացակայության ժամանակ, որը նախորդ շաբաթվա վերջին հերթական անգամ արձակուրդ է գնացել:
Ընդգծվում է, որ վերջին օրերին կուսակցության ակտիվիստների կալանավորումների շարքը պետք է դառնա Քերիմլիին չեզոքացնելու նախերգանքը: Վերջին 10 օրում կալանավորվել է կուսակցության 6 անդամ: Որոշ տվյալներով՝ նրանց համարում են Ֆեթուլլահ Գյուլենի շարժման համակիրներ:
