Ինչպես հաղորդում է The New York Post-ը, երեկ Ստրոս Կանի գործով դատական նիստի ժամանակ, որտեղ դատավորը որոշում է կայացրել Արժույթի միջազգային հիմնադրամի ղեկավար Դոմինիկ Ստրոս Կանին թողնել կալանքի տակ, փաստաբանները հայտարարել են, որ ԱՄՀ ղեկավարը հնարավոր է, որ սեքսուալ բնույթի գործողություններ կատարած լինի հյուրանոցի սպասուհու հետ, սակայն դրանք եղել են փոխհամաձայնությամբ: Իրավաբանները կարծում են, որ այս կետը ամենակարևորն է քրեական գործում:
«Մենք համոզված ենք, որ փաստերը ցույց կտանք` ոչ մի բռնություն էլ չի եղել»,- ասել է փաստաբան Բեն Բրաֆմանը: Ավելի վաղ փաստաբաններից մեկը հաղորդել էր, որ «ենթադրյալ» հանցագործության պահին Ստրոս Կանը գտնվել է դստեր հետ ռեստորանում, ինչպես նաև կան բազմաթիվ ապացույցներ, որ ԱՄՀ ղեկավարը նման հանցանք չի կատարել:
Հիշեցնենք, որ ԱՄՀ ղեկավարը ձերբակալվել է մայիսի 15-ին Նյու Յորքի օդանավակայանում, երբ պատրաստվում էր թռչել Եվրոպա: Նրան մեղադրել են այդ քաղաքի հյուրանոցներից մեկում սպասուհուն բռնաբարելու փորձ կատարելու մեջ:
