Ամռանը մեր համաքաղաքացիներից շատերը մեկնում են հարևան Վրաստան` ծովափնյա շրջաններում անցկացնելու իրենց հանգիստը: Հանգստացողները հաճախ չեն կիրառում անհրաժեշտ պաշտպանիչ միջոցառումներ, և արդյունքում վերադառնում են վատառողջ:
«Առաջին լրատվական»-ի հետ զրույցում վարակաբան, բժշկական գիտությունների թեկնածու, «Նորք» ինֆեկցիոն հիվանդանոցի հեպատոլոգիայի բաժանմունքի վարիչ Հասմիկ Ղազինյանն ասաց, որ ջրի միջոցով մարդը կարող է վարակվել աղիքային ինֆեկցիաներով. «Քանի որ հազարավոր մարդիկ են ջուր մտնում, այնտեղ կարող են լինել ինֆեկցիոն հարուցիչներ, ուստի ինչքան քիչ ծովի ջուրը գնա մարդու բերանը, այնքան վտանգը կփոքրանա»:
Աղիքային ինֆեկցիան սկզբնական շրջանում արտահայտվում է թուլությամբ և գլխապտույտով, առաջանում է քնկոտություն: Այն արտահայտվում է նաև որովայնային ցավերով և լուծով, մաշկը չորանում է, զարգանումէթուլություն, գլխապտույտ, հիվանդի շնչառությունը նմանվում է հևոցի: Ծանր թունավորումների դեպքում հիվանդը կարող է անգամ կոմայի մեջ ընկնել, ընկնում է զարկերակային ճնշումը:
Տիկին Ղազինյանը խորհուրդ տվեց թուլություն, գլխապտույտ, լուծ նկատելու դեպքում օգտագործել շատ հեղուկ, որպեսզի օրգանիզմը չջրազրկվի. «Շատ լավ կլինի, եթե կատարվի ստամոքսի լվացում: Պետք է միզամուղ միջոցներով արագացնել միզարտադրությունը, որպեսզի թունավոր նյութերը դուրս գան օրգանիզմից»:
Ավելի բարդ դեպքերում բժշկի կողմից կատարվում են ներարկումներ, եթե վատացել է շնչառությունը, կատարվում է թոքերի արհեստական օդափոխություն`միոռելաքսանտների օգտագործմամբ։Իսկ եթե վատացել է սրտի աշխատանքը, պետք է օգտագործելսրտայինգլիկոզիդներ:
Վերջում բժիշկը հավելեց, որ առողջության նկատմամբ ավելի պատասխանատու գտնվելու դեպքում,նույնիսկ եթե արդեն կա աղիքային ինֆեկցիա, բարդացումներից հնարավոր է խուսափել:
