Թուրքական Anadolu լրատվական գործակալության փոխանցմամբ՝ Բաքվում Թուրքիայի դեսպան Իսմայիլ Ալփեր Ջոշքունը վստահ է, որ Ադրբեջանում լրջորեն են ընդունում Ֆեթուլլահ Գյուլենի ահաբեկչական հոսանքի (FETÖ) սպառնալիքը։
Ջոշքունը թուրքական ԶԼՄ-ների ներկայացուցիչների հետ զրույցում հայտարարել է, որ Ադրբեջանում համապատասխան քայլեր են ձեռնարկվում տվյալ ուղղությամբ։
Դեսպանը կարծում է, որ հուլիսի 15-ի ռազմական հեղաշրջման փորձի կանխմամբ՝ Թուրքիան կարողացավ հետևում թողնել իր պատմության մեջ ամենամեծ սպառնալիքը։
Նա հայտարարել է, որ ադրբեջանցիները մեծ հետաքրքրություն են ցուցաբերել Թուրքիայի դեպքերի հանդեպ. «Որպես Թուրքիայի հետ սերտորեն կապված երկիր՝ Ադրբեջանի բնակիչներն անկեղծ փորձում էին հասկանալ տեղի ունեցածի էությունը։
Այդ պատճառով մենք հանդես եկանք համապատասխան պարզաբանմամբ, և այդ աշխատանքը շարունակվում է։ Ադրբեջանը Թուրքիայից հետո երկրորդ երկիրն էր, ուր Գյուլենի կողմնակիցները սկսել են իրենց գործունեությունը, դրա համար էլ Ադրբեջանի համար կարևոր է FETÖ-ի դեմ պայքարում Թուրքիայի ունեցած փորձը։ Տվյալ հարցում աշխատանքներն ընթանում են ճիշտ ուղղությամբ»:
