Այսօր առավոտյան ժամը 10-ից Հյուսիսային պողոտա- Թումանյան խաչմերուկում ստորագրահավաք է սկսվելու Արարատյան հայրապետական թեմի առաջնորդ Նավասարդ արքեպիսկոպոս Կճոյանին կարգալույծ անելու պահանջով: Դիմումը փոխանցվելու է Ն.Ս.Օ.Տ.Տ. Գարեգին Բ Ամենայն Հայոց Կաթողիկոսին:
«Հայկական ժամանակ» օրաթերթի առաջնորդողում, թեմայի շուրջ կարդում ենք:
«Ստորագրահավաքը նախաձեռնել է «Մենք ենք մեր երկրի վաղվա տերը» միությունը: Նախաձեռնողները հայտնում են. որ այն շարունակվելու է նաեւ հաջորդող օրերին և անց է կացվելու ժամը 10.00-ից 21.00-ը: Ի դեպ. դիմումի տակ արդեն 2500-ից ավելի ստորագրության կա:
Նավասարդ Կճոյան հոգևորականը ամբողջովին հեռացել է եկեղեցում և քաշվել է գողական կյանքի մեջ: Այս մարդուն իր Բենթլիով կարելի է տեսնել միմիայն մեծ բիզնեսի ներկայացուցիչների կողքին: Ո՞վ է երբևէ Կճոյանից հոգևոր հարցերի, իր հոտի խնդիրների մասին գեթ մեկ լուր լսել:
Ո՞վ է նրան գեթ մեկ անգամ տեսել եկեղեցու կողքին: Այս մարդը դարեր շարունակ մեր ազգի ինքնությունը պահպանած եկեղեցու վերջին մեղքն է, նրա խայտառակությունը: Կճոյանն այնքան է ներքաշվել գողական կյանքի մեջ, որ բացի օֆշորային սկանդալից, իր մաֆիոզի դիրքին հարիր չի համարում պարզաբանել իրեն ուղղված հարցերը: Իր պահվածքով Կճոյանը խայտառակում Է մեր ազգը, և եթե Կաթողիկոսը որևէ կերպ չարձագանքի Կճոյանին կարգալույծ անելու մեր պահանջին, ուրեմն ինքը ևս նույն մաֆիայի մաս է կազմում՝ դրանից բխող բոլոր հետևանքներով: Հրավիրում ենք Հայ եկեղեցու ճակատագրով բոլոր մտահոգ մարդկանց վաղվանից սկսած մասնակցելու ստորագրահավաքին»-ասված է նախաձեռնության երեկ տարածած հայտարարության մեջ:
Թերթի թղթակիցը երեկ այցելել է Արարատան հայրապետական թեմի առաջնորդարան Նավասարդ Կճոյանից նման ստորագրահավաքի վերաբերյալ մեկնաբանություն ստանալու:
Պարզվում է, սակայն, որքան արքեպիսկոպոսի անունը խորությամբ է ներգրավվում զանազան սկանդալային պատմությունների և բիզնես պրոյեկտների մեջ, այնքան նրա «ամրոցը» առաջնորդարանը, անառիկ է դառնում և համապատասխանաբար ավելանում են դեպի Նավասարդ Կճոյանի աշխատասենյակ տանող արգելապատնեշները:
Արարատյան հայրապետական թեմի շենքում տեղադրվել է հսկիչ կետ, որտեղ նստող անձը որևէ անծանոթ և անցանկալի մարդու քայլ առաջ չի թողնում՝ առանց ճշտելու, թե ով է այցելուն և որն է նրա այցի նպատակը:
Հոդվածն ամբողջությամբ՝ կարդացեք «Հայկակական Ժամանակ»-ի այսօրվա համարում:
