Շատերն անհամբերությամբ սպասում են, թե երբ է էկրան բարձրանալու Diana հոլիվուդյան ֆիլմը: Արքայադստերը մարմնավորում է Նաոմի Ուոթսը: Ինչպես հաղորդում է 7days.ru-ն, մինչև հիմա երկրպագուները հնարավորություն են ունեցել դերսանուհու կերպարանափոխությանը հետևել լուսանկարների միջոցով, որոնք արել են լրագրողները նկարահանման հրապարակում: Սակայն այժմ նրանք կարող են հիանալ գլխավոր հերոսուհու «վերջնական կերպարով»:
Հուլիսի 11-ին Ecossefilms.com կայքում հայտնվել է ֆիլմի առաջին պաստառը, որը զարմացրել է երկրպագուներին: Նրանք նշել են Ուոթսի զարմանալի նմանությունը Դիանայի հետ:
Այն մասին, որ Նաոմին բավական համոզիչ է խաղում արքայադստեր դերում, սկսեցին խոսել, երբ հայտնվեցին Դիանայի և Դոդի Ալ-Ֆայեդի «ռոմանտիկ հանգստյան օրերի» տեսարանի լուսանկարները:
Diana ֆիլմի ռեժիսորը գերամանցի Օլիվեր Հիրշբիգելն է։ Կինոնկարը պատմում է արքայադստեր կյանքի վերջին երկու տարիների՝ պակիստանցի բժիշկ Հանսաթ Խանի (Դիանան նրան համարել է իր ամբողջ կյանքի սերը) և պրոդյուսեր Դոդի Ալ-Ֆայեդի հետ նրա հարաբերությունների մասին:
