«Եթե դուք վերջնաժամկետները բաց թողնեք, մենք Ձեզ դատի կտանք»,- երեկ քաղաքացիական հասարակության ու լրատվամիջոցների ներկայացուցիչների հետ հանդիպման ժամանակ հայտարարել է եվրոպական միության ընդլայնման և հարևանության քաղաքականության հարցերով հանձնակատար Շտեֆան Ֆյուլեն և, անմիջապես փարատելով ներկաների իրարանցումը, հավելել, որ հումոր է անում:
Այս մասին այսօրվա համարում գրում է «Առավոտ» օրաթերթն ու հավելում, որ խոսքը Ասոցացման համաձայնագրի ու եվրոպական միության հետ խորը և համապարփակ ազատ աոևտրի համաձայնագրի շրջանակներում ստանձնած պարտավորությունների կատարման մասին է: Եվրոպացի պաշտոնյայի խոսքով՝ այդ ուղղությամբ բանակցությունները լուրջ են եղել, որոնք ամիսներ ու տարիներ են տևել:
«Սա իրավական պարտադիր ուժ ունեցող փաստաթուղթ է, դրա համար էլ ես ասացի, որ այն պետք է հրապարակվի, բացատրվի իշխանությունների կողմից, բանակցող թիմը պետք է բացատրի հասարակությանը, թե այնտեղ ինչ կա ժողովրդի համար: Պետք է բացատրել, թե ինչպես են այս լավ ու դրական բաներն ազդելու դրանց իրականացման միջոցով»,- ասել է Ֆյուլեն՝ հավելելով, որ այդ փաստաթուղթը պետք է վավերացվի Հայաստանի խորհրդարանի, ինչպես նաև ԵՍ բոլոր անդամների կողմից:
Հոդվածն ամբողջությամբ՝ կարդացեք «Առավոտ»-ի այսօրվա համարում:
Լուսանկարը՝ PanARMENIAN Photo-ի
