Թուրքական Hürriyet Daily News թերթի փոխանցմամբ՝ թուրք մեկնաբան Ահմեթ Հաքանը գրել է, որ Թուրքիայում ռազմական հեղաշրջման փորձի հետ կապված դեպքերը չավարտվեցին հոլիվուդյան տիպիկ սցենարով:
Ընդգծելով, որ թուրքական իշխանությունները չհայտնաբերեցին ամերիկացի դիվերսանտներին, նրանք սկսել են մեղավորներ փնտրել հայերի ու հրեաների թվում:
«Սա տեղական արտադրության ֆիլմ է, և կարիք չկա մյուսներին ներգրավել սեփական սխալներում: Ասելով, թե Ֆեթհուլլահ Գյուլենը հայ է, որին աջակցում են աշխարհի հրեաները, մենք ոչինչ չենք փոխի երկրում:
Հայերին ու հրեաներին մեղադրելուց առաջ պետք է պատասխանել հետևյալ կարևոր հարցերին. մի՞թե հայերն են կառավարական մարմիններում ու իրավական կառույցներում աշխատանքի վերցրել գյուլենականներին: Թե՞ դրանք եղել են հրեաները, որոնք ձեռք ձեռքի տված գյուլենականների հետ միասին արդարադատություն են իրականացրել Թուրքիայում: Միգուցե հայ և հրեա զինվորականնե՞րն են Գյուլենին ու նրա կողմնակիցներին հնարավորություն տվել ներթափանցելու թուրքական բանակի մեջ:
Ասելով, թե մենք մեղք չունենք դրանում, որ ամեն ինչ արել են նրանք՝ հայերն ու հրեաները, դուք չեք կարող թաքցնել ձեր անուշադրությունը, ձեր սխալները, ձեր մոլորությունը:
Եկել է ժամանակը, որպեսզի թուրք հասարակությունը դադարի բոլոր անհաջողություններում մեղադրել հայերին, հրեաներին և մյուսներին և խոստովանի, որ վերջին 40 տարում ամեն ինչ ընթացել է ոչ այնպես, ինչպես որ պետք էր»,- գրել է նա:
