Մեր օրերում հեծանիվները դանդաղորեն, սակայն հաստատուն քայլերով դառնում են քաղաքային տրանսպորտի մաս՝ գրավելով նաև նրանց, ովքեր դեռ վերջերս նախընտրում էին ավտոմեքենայով տեղաշարժվել:
Եթե դուք ապրում եք քաղաքի կենտրոնում, ապա այսօր կարող եք աշխատանքի հասնել պրեմիում դասի հեծանվով, որից ձեր կարգավիճակը ընդհանրապես չի տուժի, նույնիսկ ընդհակառակը: Ունևոր մարդկանց շրջանում տրանսպորտի այս միջոցը շատ տարածված է, որի մասին են վկայում պրեմիում դասի հեծանիվների, այդ թվում նաև բացառիկ մոդելների վաճառքի ցուցանիշները:
Օրինակ՝ Mercedes Benz ընկերությունը այսօր մի քանի մոդելներ է առաջարկում, որոնցից ամենաէժանը Fitness Bike մոդելն է. այն արժե մոտավորապես 3 հազար դոլար: All Mountain Bike մոդելը իր ալյումինե շրջանակի շնորհիվ շատ թեթև է, սակայն նախորդ մոդելից երկու անգամ թանկ է: Racing Bike-ը Mercedes-ի առաջարկած ամենաթանկարժեք և տեխնոլոգիապես հագեցած հեծանիվն է: Դրա շրջանակը պատրաստված է կարբոնից, ինչի շնորհիվ այն կշռում է 6.9 կգ:
Porsche-ն նույնպես ներկայացնում է իր Porsche S և Porsche RS մոդելները, որոնք արտաքուստ նման են ընկերության լեգենդար 911 Carrera ավտոմեքենային: Կարբոնից պատրաստված շրջանակի շնորհիվ Porsche RS-ը կշռում է 9 կգ: Այն արժե մոտավորապես 12 հազար դոլար:
Audi-ն ներկայացնում է իր էլեկտրական e-bike Wörthersee-ն: Նրանով հնարավոր է ընթանալ երեք ռեժիմներով՝ առանց շարժիչի օգնության: Հեծանիվը կարող է զարգացնել 80կմ/ժ և արժե 20 հազար դոլար:
Եվրոպական քաղաքներում ֆրանսիական Peugeot ընկերության պրեմիում դասի հեծանիվները շատ տարածված են: Այս ընկերության պրեմիում-հեծանիվների որոշ մոդելներ ընդամենը արժեն 700 դոլար:
Դասականի սիրահարները կարող են ձեռք բերել ամերիկյան Electra ընկերության մոդելները, որոնք բավականին մատչելի են, սակայն քաղաքային փողոցներում տպավորությունն այնքան էլ մեծ չէ:
Հավանաբար ոչ բոլոր գործարարներն են պատրաստ իրենց ավտոմեքենաներից տեղափոխվել նույնիսկ շատ թանկարժեք և յուրահատուկ հեծանիվներ: Սակայն երբ խցանումները թույլ չեն տալիս նշված ժամանակին հասնել անհրաժեշտ վայրը, ապա պրեմիում դասի հեծանիվները ավելի գերադասելի են, քան մետրոն: Միևնույն ժամանակ հեծանվի ոտնակները պտտեցնելը ավելի գերադասելի է, քանի նույն գործողությունը սպորտդահլիճում կամ տանը կատարելը:
