Զինված ավազակային խմբավորումները Հալեպի արևելյան թաղամասերում արգելել են տղամարդկանց լքել մարտական գործողությունների գոտին անվտանգ միջանցքներով։ Այս մասին RIA Novosti-ին հայտնել է քաղաքի աղբյուրը։
«Անվտանգ միջանցքներով դուրս են գալիս միայն կանայք, երեխաները և ծերունիները։ Մինչև 50 տարեկան տղամարդիկ փաստացի պատանդ են գտնվում, նրանց արգելել են լքել ահաբեկիչների կողմից վերահսկվող թաղամասերը»,- նշել է նա։
Աշխարհազորում գործակալությանն ասել են, որ եթե նման արգելք իսկապես գոյություն ունի, ըստ ամենայնի, գրոհայիններն օգտագործում են տղամարդկանց որպես վաճառքի առարկա կամ կենդանի վահան։
Al Mayadeen հեռուստաալիքը, հղում անելով սեփական աղբյուրներին, հայտնում է, որ ահաբեկիչները վրեժխնդրությամբ են սպառնում բոլորին, ովքեր կորոշեն փախչել արևելյան թաղամասերից բանակի կողմից վերահսկվող Հալեպի շրջաններ։
Հուլիսի 28-ին հայտարարվել էր, որ Ռուսաստանը սիրիական կառավարության հետ համատեղ մասշտաբային մարդասիրական գործողության շրջանակում երեք մարդասիրական միջանցք է բացում։
