«Իրազեկ և պաշտպանված սպառող» հասարակական կազմակերպությունն իրականացրել է ուսումնասիրություն նաև իրացման ցանցում վաճառվող Հայաստանի Հանրապետոթյուն ներկրված պաղպաղակի շուկայում:
Ուսումնասիրության արդյունքում պարզվել է, որ հայրենական արտադրանքից մի քանի անգամ ավելի թանկ արժեք ունեցող «SNICKERS», «Mars», «Dove», «BOUNTY», «Starburst», «M&M’s», «Maltesers», «Twix», «Celebrations» պաղպաղակները վաճառվում են հիմնականում առանց հայերեն մակնշման:
Ստացվում է, որ սպառողը, մի քանի անգամ ավելի թանկ վճարելով, չունի հնարավորություն իմանալու՝ ինչ է օգտագործում և հույսը պետք է դնի միայն պաղպաղակների հայտնի անվանումների վրա:
Կազմակերպությունը խնդրի մասին տեղեկացրել է նաև ՀՀ ԳՆ սննդամթերքի անվտանգության պետական ծառայությանը:
Հ.Գ. «Իրազեկ եւ պաշտպանված սպառող» հասարակական կազմակերպությունն իրականացնում է ուսումնասիրություններ նաև դեղորայքի և կոսմետիկ միջոցների շուկայում և առաջիկայում հանդես կգա համապատասխան հայտարարություններով»:
«Իրազեկ եւ պաշտպանված սպառող» հասարակական կազմակերպություն
