Ռուսական TASS լրատվական գործակալության փոխանցմամբ՝ Գերմանիայի ԱԳՆ պաշտոնական ներկայացուցիչ Մարտին Շեֆերը այսօր լրագրողների հետ ճեպազրույցում հայտարարել է, որ Գերմանիան շահագրգռված է Իրանի հետ փոխգործակցությամբ բոլոր ուղղություններով, սակայն գոյություն ունեն մի շարք խոչընդոտներ:
Նա ընդգծել է, որ ավելի վաղ Բեռլինում քանիցս հայտարարել են, որ շահագրգռված են Իրանի հետ հարաբերություններով. «Մենք ցանկանում ենք, որ մեր հարաբերությունները զարգանան ավելի ինտենսիվորեն բոլոր մակարդակներում ու բոլոր ոլորտներում»:
Շեֆերը մանրամասնել է, որ խոչընդոտներից մեկը Իսրայելի հանդեպ Իրանի դիրքորոշումն է: Շեֆերը Գերմանիայի ու Իրանի արտգործնախարարներ Ֆրանկ Վալտեր Շտայնմայերի ու Մոհամմադ Ջավադ Զարիֆի հարաբերությունները որակել է որպես հիանալի:
