Վրաստանի Արտակարգ իրավիճակների նախարությունը տեղեկացրել է հուլիսի 6-ի և 7-ին Լարսի ավտոճանապարհով երթևեկության կանոնների մասին, համաձայն որոնց` հուլիսի 6-ի ժամը 15.00-ից մինչև 20.00 և հուլիսի 7-ի ժամը 05.30-ից մինչև 20.00 Լարսի ավտոճանապարհը կբացվի, ավտոճանապարհը բաց կլինի բոլոր տեսակի ավտոմեքենան երի համար՝ պահպանելով ներքոնշյալ կանոնները.
-միաժամանակ երկու կողմերից հանդիպակած երթևեկությունը արգելվում է,
-երթևեկությունը պետք է իրականացվի առանց կանգառների,
ինտենսիվ տեղումների դեպքում արգելել տրանսպորտային միջոցների երթևեկությունը:
ՀՀ արտակարգ իրավիճակների նախարարությանը Վրաստանի ՆԳՆ ԱԻ դեպարտամենտից տեղեկացրել են, որ երթևեկությունը նշված կարգով իրականացվելու է պարեկային ոստիկանության անմիջական վերահսկման և կոորդինացման ներքո:
Երեկոյան ժամերին, անվտանգության նկատառումներից ելնելով, երթեկությունը Լարսի ճանապարհով կրկին կփակվի:
