Թուրքական Enson Haber լրատվական կայքի փոխանցմամբ՝ Թուրքիայի վարչապետ Բինալի Յըլդըրըմը 20 կետից բաղկացած տնտեսական պլանը ներկայացնելու ժամանակ անդրադարձել է նաև սիրիացի փախստականների խնդիրներին:
Մեկնաբանելով Թուրքիայի նախագահ Ռեջեփ Էրդողանի այն հայտարարությունը, որ Թուրքիայում սիրիացի փախստականներին կարող է տրվել քաղաքացիություն՝ Յըլդըրըմը հայտարարել է. «Մենք չենք փոխում սիրիացի փախստականների հանդեպ քաղաքականությունը: Մեր երկիրը շատ բան է արել, որ փախստականներն իրենց զգան, ինչպես իրենց տանը:
Մենք մեր դռները բացել ենք երեք միլիոն սիրիացիների համար: Եթե նրանք ցանկանան վերադառնալ Սիրիա այնտեղ իրավիճակի կարգավորումից հետո, ապա դա կլինի իրենց որոշումը: Սակայն քաղաքացիություն չի տրվի նրանց, ովքեր առնչություն ունեն ահաբեկիչներին կամ ունեն այլ խախտումներ: Թուրքիան ամենաշատն է ցավում Սիրիայի համար:
Միջազգային դաշինքի երկրները հեռու են, իսկ մենք Սիրիայի հարևանությամբ ենք: Այդ պատճառով էլ փախստականներն ու ահաբեկիչները ներթափանցում են մեզ մոտ: Սակայն այդպես երկար չի կարող շարունակվել»:
