ԱԺ այսօրվա արտահերթ նիստում շարունակում է քննարկվել «ՀՀ և ՌԴ միջև Հավաքական անվտանգության կովկասյան տարածաշրջանում հակաօդային պաշտպանության միավորված տարածաշրջանային համակարգ ստեղծելու մասին» համաձայնագիրը:
ՀՅԴ խմբակցության ղեկավար Արմեն Ռուստամյանն իր ելույթում նշեց. «Կա մի ոսկի կանոն՝ եթե չունես այլընտրանք, ուրեմն ամրացրու այն, ինչ ունես: Եթե դրանից շեղվում ես, խարխլում ես քո անվտանգությունը, սպառնալիքներն ես ավելացնում քո նկատմամբ և փլուզում ես անվտանգության համակարգը:
Բոլոր նրանք, ովքեր խոսում են մեր անվտանգության կորստի մասին, ասում են՝ թողեք այն ճյուղը, որից բռնել եք, երբ չունենք ուրիշ ճյուղ, որից կբռնենք, դա նշանակում է, որ մեզ ասում են՝ բերանքսիվայր ընկնեք գետնին:
Փորձ կատարվեց շեղել գործընթացը լրիվ այլ ուղղությամբ: Ապրիլյան պատերազմը ուղղակի առիթ էր ոմանց համար, որ զրկեն մեզ նրանից, ինչ ունենք. իբր հայկական ելույթներ են ունենում, սակայն հակառուսական տրամադրություններն են ուզում քաջալերել:
Ապրիլյան պատերազմից հետո ամբողջ միջազգային իրավիճակը փոխվել է, խաղի կանոններ են փոխվել՝ ով ուժեղ է, իր ուժը պարտադրում է: Մեր խնդիրը հետևյալն է՝այս ամենով մենք ուժեղանո՞ւմ ենք, թե ոչ»:
Մանրամասները՝ տեսանյութում:
