Երաժշտական պրոդյուսեր Ռիկ Ռուբինը հայտարարել է, որ ռեփեր Քանյե Ուեսթը բավական նյութ ունի՝ շարունակելու իր Yeezus ալբոմը:
Իր հայտարարությունը նա արել է The Daily Beast-ին տված հարցազրույցում:
Ինչպես պատմել է պրոդյուսերը, ի սկզբանե ալբոմը եղել է անհամեմատ երկար ու ներառել է 16 թրեք, իսկ դրա տևողությունը գերազանցել է 3 ժամը:
Նա միացել է ձայնասկավառակի վրա կատարվող աշխատանքներին դրա ավարտից երկու շաբաթ առաջ ու առաջարկել է շատ կրճատել ալբոմը՝ այն բաժանելով երկու մասի, ու թողարկել միայն դրա առաջին մասը:
Պրոդյուսերի խոսքով՝ Ուեսթը այդ գաղափարին էնտուզիազմով է վերաբերվել:
Ուեսթի Yeezus ալբոմը լույս է տեսել հունիսի 8-ին ու բաղկացած է 10 թրեքից ու տևում է 40 րոպե:
Ռուբինը եղել է այնպիսի ռոք ու ռեփ-երաժիշտների ալբոմների պրոդյուսերը, ինչպիսիք են Ջեյ Զին, Public Enemy-ն, Beastie Boys-ը, Black Sabbath-ը, Metallica-ն, AC/DC-ն:
