Գիտնականները պարզել են, որ ավելի տաք կլիմայով երկրներում հանցագործություններ շատ են կատարվում, քանի որ այդ երկրներում մարդիկ ավելի քիչ են հակված վերահսկելու և պլանավորելու իրենց գործողությունները: Այդ հետազոտությանը կարելի է ծանոթանալ Behavioral and Brain Sciences պարբերականում:
Աշխարհի երկրներում հանցագործության մակարդակը տարբերվում է: Սակայն, ընդհանուր կանոնը կայանում է նրանում, որ հասարակածին մոտենալուն զուգընթաց ագրեսիան և բռնությունը ուժեղանում են, ինչն էլ խոսում է մարդկանց վրա կլիմայի ազդեցության մասին:
Ավելի վաղ դա բացատրել են նրանով, որ շոգը մարդկանց դարձնում է գրգռված: Ըստ մյուս մոդելի՝ շոգ ժամանակ մարդիկ փողոցում ավելի շատ են շփվում, ինչն էլ մեծացնում է հակամարտության հավանականությունը: Օհայո համալսարանի հետազոտողները CLASH (CLimate Aggression, and Self-control in Humans) մոդելի օգնությամբ բացատրել են այդ երևույթը նոր ձևով:
Հետազոտողները ենթադրում են, որ շոգ եղանակը և սեզոնային ջերմաստիճանների պակաս տարբերությունը հանգեցնում են այն բանին, որ մարդիկ ապրում են «մի օրով» և քիչ են ուշադրություն դարձնում ապագայի վրա: Իսկ ինքնավերահսկողության պակասը նպաստում է ագրեսիայի և բռնության: Իսկ սեզոնայի ջերմաստիճանի փոփոխության դեպքում մարդիկ նախապատրաստվում են մյուս սեզոնին, կատարելով անհրաժեշտ գործեր, ինչն էլ մեծացնում է նրանց ինքնավերահսկողությունը:
