ԴԱԻՇ ահաբեկչական խմբավորման գրոհայինները Հալեպ նահանգում ներխուժել են Էլ-Բաբ և Մանբիջ քաղաքների մոտ գտնվող մի քանի գյուղեր և առևանգել ավելի քան 900 բնակչի։ Այս մասին Sputnik գործակալությանը հայտնել է քրդական աղբյուրը։
Աղբյուրի տվյալներով՝ գրոհայիններն առևանգվածներից մի քանիսին ստիպել են խրամատներ փորել, մյուսներին օգտագործել են որպես կենդանի վահան։
Աղբյուրը նշում է, որ խաղաղ բնակիչներ են առևանգվել 15 գյուղերից։
Տեղի աղբյուրները գործակալությանը հայտնել են, որ ԴԱԻՇ-ի գրոհայինները վերադարձրել են թուրք-սիրիական սահմանի մոտ գտնվող Ար-Ռաի բնակավայրի նկատմամբ վերահսկողությունը՝ Սիրիայի ազատ բանակի կողմից այն զավթելուց մեկ օր անց։
