Վրացական «Ռեզոնանսի» թերթի փոխանցմամբ՝ Վրաստանում ավտոմեքենաների թիվն աճում է անհավանական արագությամբ: Վերջին տվյալներով՝ ներկայումս Վրաստանում գրանցված է 1.2 միլիոն ավտոմեքենա, մինչդեռ տարեսկզբին դրանց թիվը 1.1 միլիոն էր:
Բնականաբար, այդ թվի մեջ մտնում են նաև չաշխատող ավտոմեքենաները, որոնք կազմում են ընդհանուր թվի մոտ 10 տոկոսը: Մասնագետների կարծիքով՝ ավտոմեքենաների թվի նմանատիպ կտրուկ աճը կապված է աջ ղեկով ավտոմեքենաների ներկրման մեծացման հետ:
Դիլերները հայտարարում են, որ աջ ղեկով ավտոմեքենաները սովորաբար շատ հազվադեպ են վերաարտահանվում, և որ դրանք հիմնականում գնում են տեղի քաղաքացիները:
Սակայն այդ 1.2 միլիոն ավտոմեքենաներից 400 հազարը (30 տոկոս) ունեն ավելի քան 20 տարվա հնություն: Ինչ վերաբերում է նոր (0-3 տարեկան) ավտոմեքենաներին, ապա դրանց թիվը շատ փոքր է՝ ընդամենը 50 հազար միավոր:
