Թուրքական Anadolu լրատվական գործակալության փոխանցմամբ՝ Թուրքիայի վարչապետ Բինալի Յըլդըրըմը Ադրբեջան մեկնելուց առաջ կրկին մեկնաբանել է Բունդեսթագի կողմից Հայոց ցեղասպանության բանաձևի ճանաչումը:
«Մենք կուսումնասիրենք այդ որոշման իրական պատճառները և անհրաժեշտ պատասխան կտանք: Ընդ որում՝ Թուրքիան ու Գերմանիան երկու կարևոր դաշնակից են, և թող ոչ ոք չակնկալի, որ Բեռլինի ու Անկարայի հարաբերությունները կփլուզվեն անմիջապես ու ամբողջությամբ: Սակայն դա ընդհանրապես չի նշանակում, որ տվյալ բանաձևը անպատասխան կմնա և Թուրքիան չի ասի իր խոսքը»,- հայտարարել է Թուրքիայի վարչապետը:
Յըլդըրըմը նաև քննադատել է Հայաստանին՝ հայտարարելով, թե նա «պետք է» բարիդրացիական հարաբերություններ հաստատի Ադրբեջանի հետ:
