«Ուզբենովո» Էստրադա-համերգային միությանը կից էստրադային արվեստի խորհուրդը պատժել է տեղի էստրադային երգիչներին՝ «անիմաստ երգերի» և «սեփական պահանջարկը կորցնելու» համար:
Նման որոշում լիազոր մարմինն ընդունել է Ուզբեկստանի անկախության 22 ամյակին նվիրված տոնակատարության նախապատրաստման հարցերով նիստի ժամանակ: Նիստի մասնակիցները հավաստել են, որ պատվավոր կոչումներ կամ պետական շքանշաններ ունեցող շատ երգիչներ «թուլացել են» և «ինքնահավան» են դարձել:
Չինովնիկների խոսքերով՝ նման կատարողների երգացանկը, ովքեր հիմնականում ելույթ են ունենում հարսանիքների և այլ ընտանեկան տոնակատարությունների ժամանակ, անիմաստ ստեղծագործություններից է բաղկացած, որոնք զրկված են գեղարվեստական արժեքներից և չեն համապատասխանում կատարողական արվեստի բարձր պահանջներին:
«Նրանց երգերը չեն համապատասխանում ազգային հոգևոր ավանդույթներին, դրանք հակասում են մեր բարոյական ժառանգությանը և խառնվածքին: Մենք չպետք է մոռանանք մեր պարտականության՝ հայրենիքի, մեր ժողովրդի և նրա երջանկության գովերգման մասին»,- նշվում է խորհրդի հայտարարության մեջ։
