Թաիլանդի Պհայաու մարզում փրկարարներն օգնության են եկել փղիկին, որն ընկել էր խորը ջրհորն ու հայտնվել բետոնե թակարդում: Մեկ ամսական փղիկը հեռացել է հոտից և ուղղվել դեպի մոտակա բնակավայրը: Իր հոտը որոնելու տևական անհաջող փորձերից հետո նա ընկել է ջրհորը:
Մեծ բարձրությունից ընկնելով՝ կենդանին ուժեղ հարված է ստացել: Բնակիչները շտապ դիմել են հրշեջ ծառայություն: Դեպքի վայր ժամանած մասնագետները ստիպված են եղել նրան այնտեղից դուրս բերելու համար էքսկավատորի օգնությամբ հեռացնել բետոնե կառույցի վերին հատվածը, որից հետո նրա համար ստեղծել են ինքնատիպ «թունել», որի միջոցով էլ նրան դուրս են բերել:
Կենդանին միացել է իր հոտին, նրա կյանքին վտանգ չի սպառնում:
