Ճապոնիայի վարչապետ Նաոտո Կանը հրաժարվել է աշխատավարձ ստանալուց մինչև այն պահը, երբ երկիրը դուրս կգա էներգետիկ ճգնաժամից: Այս մասին հաղորդում է Kyodo գործակալությունը:
Տարբեր տվյալներով` Ճապոնիայի կառավարության ղեկավարի աշխատավարձը հասնում է 3.3 մլն յենի կամ մոտ 40 հազար դոլարի: Բացի աշխատավարձից, Ճապոնիայի վարչապետը սովորաբար ստանում է մոտ 2 մլն յենի տարբեր նպաստներ (մոտ 25 հազար դոլար):
Նաոտո Կանն էսօր հայտարարել է, որ պատրաստվում է աշխատավարձից հրաժարվել այս տարվա հունիսից սկսած: Սակայն չի նշվում, թե արդյո՞ք նա հրաժարվելու է նաև նպաստներից:
Հիշեցնենք, որ մարտի 11-ին Ճապոնիայում տեղի ունեցած հզոր երկրաշարժից հետո վթարի էր ենթարկվել «Ֆուկուսիմա 1» ատոմակայանը, որից հետո այդ երկրի կառավարությունը ստիպված է եղել 20 կմ շառավղով տարհանել են Ֆուկուսիմա պրեֆեկտուրայի բնակիչներին: