RIA Novosti-ի փոխանցմամբ` ԱՄՆ-ն ստուգում է Իրանի կողմից բալիստիկ հրթիռների արձակման մասին հաղորդագրության իսկությունը: Այդ մասին երկուշաբթի հայտնել է Սպիտակ տան ներկայացուցիչ Ջոշ Էռնեստը:
«Մեզ հայտնի է բալիստիկ հրթիռի լրացուցիչ փորձարկման Իրանի մտադրության մասին: Մենք նաև տեղյակ ենք Իրանի պաշտպանության նախարարի հաղորդագրության մասին, որտեղ նա նշում է, որ հրթիռի բաց թողում չի եղել: Եվ այժմ մենք փորձում ենք պարզել, թե արդյոք դա տեղի է ունեցել»,- հայտնել է Էռնեստը:
Ավելի վաղ, լրատվամիջոցները հղում կատարելով Իրանի գլխավոր շտաբի պետի տեղակալ Ալի Աբդոլահիին, հայտնել էին, որ Իրանի զինված ուժերը երկու շաբաթ առաջ երկու հազար կմ գործողության շառավղով բալիստիկ հրթիռի փորձարկում են անցկացրել:
