Անգլիայի հարավ-արևմուտքում բրիտանացի Լյուկ Իրվինը իր այգում էլեկտրական հոսանքալար անցկացնելիս հայտնաբերել է մեծ, բավականին լավ պահպանված հին հռոմեական առանձնատուն՝ գրում է bbc.com-ը:
Իրվինը դիմել է հնագետներին այն բանից հետո, երբ հրաշալի վիճակում պահպանված հռոմեական խճանկար է հայտնաբերել:
Գտածոների մեջ հարյուրավոր ոստրեներ կան, որոնք արհեստականորեն դուրս են բերվել, ինչպես նաև աղաջրով լի տակառներով բերվել են առափնյա շրջաններից: Բացի դրանից, հնագետները գտել են նաև վարպետորեն պատրաստված կավե իրեր, մետաղադրամներ, ճարմանդներ և կենդանիների ոսկորներ:
Պեղումներից հետո փորձագետները եկել են այն եզրահանգման, որ դա կարող է լինել Բրիտանիայում գտնվող հին հռոմեական խոշորագոյն առանձնատներից մեկը, որը, ամենայն հավանականությամբ, 14 դար առաջ փլուզվելուց հետո անձեռնմխելի է եղել:
