«Բեթմենն ընդդեմ Սուպերմենի. Արդարության արշալույսին» ֆիլմը վարձույթի առաջին 5 օրերին աշխարհում ընդհանուր առմամբ 424 մլն դոլար է հավաքել։ Այս մասին հայտնում է BBC-ն։
Չնայած քննադատների ոչ հաճելի արձագանքներին՝ ֆիլմն ԱՄՆ-ում հավաքել է 170.1 մլն դոլար, Բրիտանիայում՝ 15.5 մլն դոլար, ինչը երկու դեպքերում էլ մարտյան ռեկորդ է։
Ֆիլմը դուրս է եկել աշխարհի տարբեր կինոթատրոնների 40 հազար էկրաններ։
Ռեժիսոր Զակ Սնայդերի ֆիլմը հիմնված է երկու սուպերհերոսների մասին կոմիքսների վրա։ Սուպերհերոսներն առաջին անգամ հայտնվել են մեկ ֆիլմում։
Ֆիլմը նկարահանած Warner Bros ընկերության ներկայացուցիչ Ջեֆ Գոլսթեյնի խոսքով՝ չնայած կինոքննադատների ջախջախիչ հոդվածներին՝ հանդիսատեսն իր վերաբերմունքն արտահայտեց և «քվեարկեց դոլարով»։
