Հետխորհրդային Հայաստանի կայացումը գնում էր մեր կողմից նորից հայտնագործվող հումանիտար մտքի և նոր հրապարակախոսությանը զուգընթաց։ Հայաստանի երրորդ հանրապետությունում քաղաքագիտական մտքի կայացումը անհնար է պատկերացնել առանց Տիգրան Հայրապետյանի խոր մտքի և սուր գրչի։ Տիգրանը չէր ճանաչում արգելված թեմաներ, փակ դռներ ինչպես ստեղծագործության մեջ, այնպես էլ կյանքում։
Արցախյան շարժման ուսանողական առաջնորդներից մեկն էր։ 1991 թվականից Տիգրան Հայրապետյանի հրապարակախոսական հոդվածները և վերլուծաբանական նյութերը կանոնավորապես տպագրվում էին Հայաստանի և Եվրոպայի մամուլում։
Տիգրանին մասին հիմա հիշում են անցյալ ժամանակով։ 35 տարեկանում նրա կյանքի թելը կտրվեց ավտովթարի պատճառով։ Այսօր նրա կդառնար 52 տարեկան։ Թեպետ նա 17 տարի է՝ երկնքում է, սակայն երկրում նրա մասին չեն մոռացել։ Տիգրանի ընկեր Աշոտ Բլեյանը հպարտությամբ է պատմում, թե նրա հիշատակին ինչեր են նվիրվել՝ գրադարան, ընթերցասրահ։ Հիմա էլ ռոք համերգ է կազմակերպվում, ասում է՝ պատահական քայլ չէ։
