Առողջապահության բնագավառում վերջին տարիներին մեծ աշխատանքներ են կատարվել: Այս մասին Երևանի ավագանու մարտի 18-ի նիստի հարց ու պատասխանի ընթացքում նշեց Երևանի քաղաքապետ Տարոն Մարգարյանը:
«Վերջին տարիներին մեծ աշխատանքներ են կատարվել, ծրագրերը շարունակական բնույթ են կրելու: Մեծ միջոցներ են անհրաժեշտ, բայց փորձելու ենք մի քանի տարում հասնել նրան, որ առողջապահական հիմնարկները լինեն լավ վիճակում: Նաև անհրաժեշտ է մասնագետների վերապատրաստում իրականացնել: Մեծ աշխատանքներ են կատարվում, ամեն տարի համայնքային բյոջեով գումարներ ենք նախատեսում ոլորտին»,-նշել է Երևանի քաղաքապեը:
Տարոն Մարգարյանի խոսքով` նախագծերի իրականացման հարցում պետք է դիմել նաև բարերարների օգնությանը:
Առողջապահության վարչության պետի տեղակալ Գայանե Անտոնյանը տեղեկացրեց, որ 2016 թվականին նոր սարքավորումների ձեռքբերման ծրագրով 55 բժշկական սարքավորումներ են տրամադրվելու բժշկական հիմնարկներին: Դրանց մեջ կան սարքավորումներ, որոնք առաջին անգամ են տրամադրվում բժշկական հաստատություններին:
Լուսանկարը` PAN Photo-ի
