ԱՄՆ գաղտնի ծառայությունը ձերբակալել է 29-ամյա Խոսե Ֆուերտեսին, որը փորձել է մոտակայքում զբոսնող զբոսաշրջիկների աչքի առաջ ցանկապատի վրայով անցնել Սպիտակ տուն: Այս մասին հայտնում է CBS հեռուստաընկերությունը:
Ավելի վաղ Սպիտակ տան տարածք հասնելու Ֆուերտեսի փորձի պատճառով շենքը ժամանակավորապես փակել են՝ վտանգից խուսափելու համար: ԱՄՆ գաղտնի ծառայությունն արագ ձերբակալել է հանգիստը խախտողին, որը փորձել է փախչել: ԱՄՆ գաղտնի ծառայության ներկայացուցչի խոսքով՝ Ֆուերտեսը չի հասցրել կյանքի կոչել իր մտադրությունը:
«Նրանց, ովքեր գալիս են այստեղ՝ տեսնելու մշակույթը, խորասուզվելու պատմության մեջ և զգալու՝ ինչ է Կոլումբիա շրջանը, այդպիսի պատահարները փչացնում են ամբողջ տրամադրությունը»,- մեջբերում է CBS-ը զբոսաշրջիկներից մեկի խոսքերը:
Ֆուերտեսին առաջադրվել է տարածք անօրինական ներթափանցման մեղադրանք:
