Ամերիկացի երաժիշտ Բոբ Դիլանի անձնական արխիվը վաճառվել է, ըստ որոշ տվյալների, 15-20 մլն դոլարով։ Ինչպես հայտնում է Reuters-ը, սևագրերի, լուսանկարների, ձայներիզների, տեսագրությունների և այլ հազվագյուտ իրերի արխիվը ձեռք է բերել Ջորջ Կայզերի հիմնադրամն ու Տալսայի համալսարանը (Օկլահոմա)։ Ընդհանուր առմամբ խոսքը 6000 տարբեր նյութերի մասին է։
Այժմ արխիվը հասանելի կլինի գիտնականների համար, այն ծրագրվում է կիրառել նաև ցուցադրություններում։ Ինչպես հայտնել է Դիլանը, ինքն ուրախ է, որ իր արխիվը վերջապես տուն է գտել։
Հիմնադրամն ու համալսարանը գործարքի արժեքը չեն հայտնել, սակայն The New York Times-ի տվյալներով՝ խոսքը 15-20 մլն դոլարի մասին է։
