2013թ-ի հուլիսի 1-ից նվազագույն ամսական աշխատավարձը 32 հազար դրամից կդառնա 45 հազար դրամ: Այս մասին այսօր հայտարարեց ՀՀ վարչապետ Տիգրան Սարգսյանը` Ազգային ժողովում կառավարության 2013թ-ի ծրագիրը ներկայացնելիս: Ըստ նրա, պետական հատվածի աշխատավարձերը կբարձրանան 2014թ-ի հունվարի մեկից:
Վարչապետի խոսքով, կառավարության աշխատակազմի ղեկավար Վաչե Գաբրիելյանը այժմ աշխատում է աշխատավարձերի ռազմավարության վերաբերյալ մի նախագծի վրա, որտեղ հաստակեցվելու են պետական պաշտոնյաների աշխատավարձերի հարաբերակցությունները` առաջիկա 5 տարիների համար: ՀՀ նախագահի, օրենսդիր գործադիր և դատական իշխանության մարմինների աշխատակիցների աշխատավարձերը հարաբերակցության մեջ կդրվեն նվազագույն աշխատավարձի հետ: «Եթե որոշ պաշտոնյաների աշխատավարձեր բարձր է այդ հարաբերակցության մեջ, ապա նրանց աշխատավարձերը մի որոշ ժամանակ չեն բարձրացվի, կսառեցնեն, իսկ մյուսների դեպքում կլինի առաջանցիկ աճ»,- հայտարարեց վարչապետը: