Բեռլինի 66-րդ կինոփառատոնի գլխավոր մրցանակին «Ոսկե արջ»-ին արժանացել է Ջանֆրանկո Ռոզիի «Կրակ ծովում» փաստագրական ֆիլմը՝ նվիրված փախստականների խնդրին: Այդ մասին հայտնում է TASS-ը:
Ռոզիի նոր աշխատանքը հետազոտում է արդիական խնդիր՝ փախստականների հոսքը Եվրոպա: Ֆիլմում ցուցադրված է կյանքը միջերկրածովյան Լամպեդուզա կղզում, որը դարձել է անօրինական միգրանտների գլխավոր տարանցիկ կետը:
Բոսնիացի ռեժիսոր Դանիս Տանովիչի «Մահ Սարաևոյում» ֆիլմն արժանացել է Բեռլինի 66-րդ կինոփառատոնի ժյուրիի մեծ մրցանակի:
«Արծաթե արջ» լավագույն ռեժիսորական աշխատանքի համար Բեռլինի 66-րդ կինոփառատոնին ստացել է ֆրանսիացի Միա Հանսեն-Լևենի «Ապագան» ֆիլմի համար:
Լավագույն սցենարի համար մրցանակը ստացել է լեհ ռեժիսոր Տոմաշ Վասիլևսկու «Սիրո միացյալ նահանգներ» ֆիլմի համար:
Բեռլինի 66-րդ կինոփառատոնն անցկացվում է Գերմանիայի մայրաքաղաքում փետրվարի 11-21-ին:
