Մարտի մեկին Ազատության հրապարակում կայանալիք միասնական հանրահավաքի վերաբերյալ քաղաքական ուժերի և քաղաքացիական նախաձեռնությունների միջև բանակցությունները շարունակվում են։
Թեպետ «Նոր Հայաստան» հանրային փրկության ճակատի և Հայ ազգային կոնգրեսի միջև համաձայնությունը եղել է և հիմա միասնական օրակարգի շուրջ են քննարկումները, «Քաղաքացիական պայմանագրի» հետ վերջնական համաձայնություն առայժմ չի եղել։
«Նոր Հայաստան» հանրային փրկության ճակատը պահանջ էր պատրաստվում ներկայացնել մարտի մեկին՝ միջազգային պատժամիջոցների ենթարկել մարտի մեկի կազմակերպիչներին, ազատ արձակել քաղբանտարկյալներին, հայտարարել համաներում և կրճատել ոստիկանական զորքերի թիվը։ Վերջին երկու պահանջների հետ կապված «Քաղաքացիական պայմանագիրը» ունի վերապահումներ։
«Նոր Հայաստան» հանրային փրկության ճակատի ներկայացուցիչ Վարուժան Ավետիսյանը մեզ հետ զրույցում նշեց՝ պահանջներն իրենց օրակարգից դուրս չեն գա, բայց կլինի միասնական օրակարգ։
«Քաղաքացիական պայամանագիր» կուսակցության վարչության անդամ Ալեն Սիմոնյանը մեզ հետ զրույցում նշեց, որ իրենք նախնական համաձայնություն տվել են մասնակցել մարտի մեկի հանրահավաքին և այժմ սպասում են որպեսզի ձևավորվի միասնական հարթակ օրակարգը ճշտելու համար։
Հետաքրքրվեցինք, արդյո՞ք հանդիպումները եռակողմ են լինելու, արդյո՞ք միասնական օրակարգը ճշտելու են բոլոր քաղաքական ուժերը և քաղաքացիական ուժերը միասին, ինչին ի պատասխան Ալեն Սիմոնյանն ասաց։
Հետաքրքվեցինք նաև, արդյո՞ք «Քաղաքացիական պայամանագիր» կուսակցության մասնակցությունը լինելու է նաև ելույթներ ունենալու տեսքով։
Վարուժան Ավետիսյանը մեզ հետ զրույցում հավելեց, որ այժմ իրենք աշխատում են այն ուղությամբ, որպեսզի մասնակցող քաղաքական ուժերից բոլորի ներկայացուցիչներն էլ լինեն առաջին շարքում։
